[浮光] 冬天鬱卒了後

 有當時仔心情會蔫去

情緒就行入冬天

向望快樂會睏冬

佇深深的烏暗

深深咧睏

無消無息

目睭擘金

精神 心閣咧睏

恬寂寂

一日過一日

一工閣一工

風吹 雲過

微微仔笑的日鬚

迵過窗仔簾

掖佇棉被面頂

一絲一絲的光線

一屑仔

一屑仔的坱埃

佇半空中

寬寬仔

寬寬仔

颺

靈感對目頭發芽

思路佇頭殼內底跳舞

音樂對目眉到喙脣

喙脣到耳空

佇全身的血液走過一輪閣一輪

目睭瞌落來

煞失眠

--

半暝失眠寫的